गजल ।

ढुङ्गामा दुध पोख्ने जमाना हिजोको हो 
स्वामीको पाउ ढोग्ने जमाना हिजोको हो !!

रहेछौ क्यारे तिमि अझै नि पछी नै पो
नन्दको गोडा मोल्ने जमाना हिजोको हो !! 

नारीले पनि सक्छे त्यो बाँझो फोर्नलाई 
नरले मात्र जोत्ने जमाना हिजोको हो !!

छोरा र छोरी एक हुन है अहिले त 
उसले मात्र रोज्ने जमाना हिजोको हो !!

नसोचे हुन्छ नारी अबला छे भनि चैं 
बलले हक खोस्ने जमाना हिजोको हो !!

अनेक ति लान्छाना लगाई नारीलाई 
बेअर्थ नाम तोक्ने जमाना हिजोको हो !!