गजल ।

धेरै भन्यौ, तिम्रो निम्ति, सही वास होइन म
 तिम्रो चाह, तिम्रो माया, तिम्रो आस होइन म 

सबै सामु,सधै भरि,दोष दिदै मलाइ नै 
बोली रह्यौ,बाँच्छु एक्लै,तिम्रो सास होइन म ! 

चाहे भने,सक्छु बोल्न,नारी भनि हेप्न छोड 
सिन्दुरले,किनिएको,खेल्ने तास होइन म ! 

जति दिन्छु,उति लिन्छु,हक सबै बराबरी 
साइनोले,कजाउने,तिम्रो दास होइन म ! 

धेरै इच्छा,मेरा पनि,तिम्रो जस्तै थरी थरी 
लुटे हक,खोस्न जान्छु,मृत लास होइन म !